Asosan emlanmagan fuqarolar koronavirus qurboniga aylanmoqda — AQSH olimlari xulosasi
COVID-19‘ga qarshi emlanmaganlar vaksina olganlarga nisbatan 11 baravar ko‘p vafot etayotgani maʼlum bo‘ldi. Bu AQSH Kasalliklar nazorati va profilaktikasi markazi tadqiqotlari natijasida eʼlon qilingan.
Qayd etilishicha, olimlar asosan vaksina olinmagan holatdagi o‘lim xavfini tadqiq qilgan. Tadqiqot doirasida 600 ming bemor tekshiruvdan o‘tkazilgan. Natijada emlanmagan fuqarolar vaksina olganlarga nisbatan kasalxonaga 10 marta ko‘p yotqizilgani aniqlangan. Shuningdek, emlanmaganlar kasallikka 4 yarim barobar ko‘p chalingan.
AQSH Kasalliklar nazorati va profilaktikasi markazi direktori Roshel Valenski “Markaz vaksinatsiya ko‘rsatkichini taʼminlashga bor kuchini sarflaydi”– deb aytib o‘tgan.
AQSHda hukumat amaldorlarini majburiy emlash joriy qilingan. Shuningdek, Jozef Bayden koronavirusga qarshi emlash ko‘lamini oshirishga vaʼda bergan. Olimlar koronavirusni yengishning birdan bir yo‘li vaksinalar ekanligini taʼkidlab kelmoqda.
Eslatib o‘tamiz, bundan avval JSST vaksinalarni adolatli taqsimlashga chaqirgan edi.
Jahongir Qo‘ziyev
