Benzemani Madridda olib qolishmoqchi
“Real Madrid” o‘z hujumchisi Karim Benzemaga yangi shartnoma taklif qilmoqchi.
Xabarlarga ko‘ra, klub futbolchi bilan 2025-yilning yoziga qadar yangi shartnoma imzolashga harakat qiladi.
“Real Madrid” bu yo‘l bilan Benzemaga o‘z ishonchini namoyon etmoqchi. Joriy mavsumda 33 yoshli fransuz futbolchisi “Real Madrid” safida 8 o‘yinda maydonga tushib, 9 ta gol urdi va 7 ta golga uzatma berdi. Futbolchi bilan amaldagi shartnoma 2023 yilning yozigacha amal qiladi.
Eslatib o‘tamiz, Benzema “Oltin to‘p”ga daʼvogarlardan biri hisoblanadi. O‘tgan mavsum fransuz futbolchisi Ispaniya chempionatida 34 ta o‘yin o‘tkazdi, 23 ta gol urdi va 9 ta golli uzatmani amalga oshirdi. Maʼlumot o‘rnida: “Oltin to‘p” mukofotini topshirish marosimi 2021-yil 29-noyabrda Parijda bo‘lib o‘tadi.
Avvalroq Karim Benzema “Oltin to‘p”ni olish bolalikdagi orzusi ekanligi va Filippe Koutino premyer-ligaga qaytishi mumkinligi haqida xabar berilgandi.
Jamshidbek Amirov
