Alkogol mahsulotlarini noqonuniy muomalaga kiritgan shaxslar qo‘lga olindi
Maʼlum bo‘lishicha, Bosh prokuratura huzuridagi Departamentning Toshkent shahar boshqarmasi tomonidan Toshkent shahar IIBB bilan hamkorlikda tezkor tadbir o‘tkazildi.
Tadbir davomida, fuqarolar A.A. va X.X.lar oldindan til biriktirib, alkogol mahsulotlarini noqonuniy muomalaga kiritish orqali daromad orttirishni maqsad qiladi. Oqibatda, fuqaro R.ga chet elda ishlab chiqarilgan aksiz markalar bilan yelimlanmagan 1 litr hajmdagi 100 dona “Yeni Raki” nomli alkogol mahsulotini jami 3 300 AQSH dollariga sotgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 186-1-moddasi (etil spirti, alkogolli mahsulot va tamaki mahsulotini qonunga xilof ravishda ishlab chiqarish yoki muomalaga kiritish) bilan jinoyat ishi qo‘zg‘atilib, tergov harakatlari o‘tkazilmoqda.
Eslatib o‘tamiz, bundan avval Toshkentda 15 milliard so‘mga yaqin noqonuniy tovarlar yo‘q qilingani hamda spirtli ichimlik ichish saratonga olib kelishi aniqlangandi. Shunindek, “Сoca-cola” O‘zbekiston davlat ulushini “Coca-cola iecek” sotib olishi haqida xabar berilgandi.
Cho‘lponoy Ahmedova
