Toshkent viloyati hokimi ham saylovda ishtirok etdi
Saylov uchastkasi ”Bobur” mahallasida joylashgan bo‘lib, u yerda 1 ming 92 nafar saylovchi ovoz beradi.
Toshkent viloyati hokimi Davron Hidoyatov Nurafshon shahridagi Davlat xizmatlari markazi binosida tashkil etilgan 10-saylov uchastkasiga oila aʼzolari bilan kelib, o‘zi munosib deb bilgan nomzodga ovoz berdi.
Saylov uchastkasi ”Bobur” mahallasida joylashgan bo‘lib, u yerda 1 ming 92 nafar saylovchi ovoz beradi. Ayni paytda hududda saylov faol, ko‘tarinki va uyushqoqlik ruhida davom etmoqda.
Bundan avval Samarqand viloyati hokimi Erkinjon Turdimov saylov jarayonida qatnashgani hamda saylovchilarning umumiy soni 21,2 million nafardan oshgani haqida xabar berilgandi.
Olamgir Abdiyev
