Qidiruvda bo‘lgan qashqadaryolik shaxs Sankt-Peterburgda qo‘lga olindi
Fuqaro Jinoyat kodeksining 168-moddasi 2-qismida nazarda tutilgan jinoyatni sodir etgan.
Qashqadaryo viloyat IIB xodimlari tomonidan olib borilgan tezkor tadbirlar natijasida R.Z. Rossiya Federatsiyasi Sankt-Peterburg shahri hududida qo'lga olingan.
Maʼlum bo‘lishicha, qochqin Jinoyat kodeksining 168-moddasi 2-qismida nazarda tutilgan jinoyat (firibgarlik)ni sodir etgani uchun Shahrisabz tumani IIB tomonidan qidiruvga berilgan.
Ayol doimiy yashash joyi Shahrisabz tumani “Shakarteri” MFY, Temirchi qishlog‘i bo'lgan.
Mazkur holatda ayol o‘z qilmishiga yarasha javob berish bilan birga, jinoyatni yashirish va tergovdan qochish bandlari uchun ham jazolanishi mumkin.
Eslatib o‘tamiz, bundan avval Andijon tumanidan avtomashina olib qochgan shaxs Namangan shahridan ushlangani hamda buxorolik qidiruvda bo‘lgan shaxs qo‘lga olingani haqida xabar berilgandi. Shuningdek, “Islom davlati” terroristik tashkiloti aʼzosi O‘zbekistonga olib kelingandi.
Cho‘lponoy Ahmedova
