AQSH Xalqaro taraqqiyot agentligi (USAID) O‘zbekiston bilan hamkorlikni kengaytirishini maʼlum qildi

 

Tashqi ishlar vazirligi xabariga ko‘ra, suhbat chog‘ida O‘zbekiston bilan USAID o‘rtasidagi hamkorlikning bugungi holati va istiqbollari, ustuvor dasturlar hamda loyihalarni amalga oshirish masalalari muhokama qilindi.

 

Qayd etiliishicha, tomonlar sog‘liqni saqlash, taʼlim, qishloq xo‘jaligi, sud-huquq tizimini takomillashtirish kabi sohalardagi hamkorlikni davom ettirishga tayyor ekanini bildirdi.

 

Afg‘onistondagi bugungi vaziyat, mamlakatda inqirozni oldini olish maqsadida insonparvarlik yordamini ko‘rsatish, xalqaro hamjamiyatning bu boradagi saʼy-harakatlarini muvofiqlashtirish masalalari yuzasidan fikr almashildi.

 

Maʼlumot uchun: joriy yilning 21-sentabr kuni O‘zbekiston tashqi ishlar vaziri AQSH USAID rahbari o‘rtasida bo‘lib o‘tgan onlayn muzokaralar  chog‘ida mamlakatimizda sog‘liqni saqlash, taʼlim, qishloq xo‘jaligi sohasidagi dasturlarni amalga oshirish, sud-huquq tizimini takomillashtirish, O‘zbekistonning COVID-19'ga qarshi kurashini qo‘llab-quvvatlash borasidagi hamkorlikni davom ettirish yuzasidan kelishuvga erishilgan edi.

 

 Eslatib o‘tamiz, Tashqi ishlar vaziri chet eldagi baʼzi shaxslar O‘zbekistonni asossiz tanqid qilishiga eʼtibor qaratgandi.

 

Avvalroq Abdulaziz Komilov Tehrondagi Afg‘oniston masalasiga bag‘ishlangan uchrashuvda ishtirok etgani, O‘zbekiston Afg‘onistondagi vaziyat barqarorlashuvida muhim rol o‘ynashi mumkinligi, AQSH Davlat kotibi o‘rinbosari O‘zbekiston rasmiylari bilan Afg‘onistondagi vaziyatni muhokama qilgani hamda Abdulaziz Komilov Turkiy tilli davlatlar kengashining Afg‘oniston bo‘yicha yig‘ilishida ishtirok etishi haqida xabar berilgandi.