Namanganda 9-sinf o'quvchisi o'g'irlikka qo'l urdi
U telefon ta’mirlash ustaxonasi eshigini buzib kirgan.
Namangan viloyati IIB axborot xizmatining xabar berishicha, 2021-yil 24-noyabr kuni Chust shahrida yashovchi fuqaro ariza bilan murojaat qilib, shu yil 20-noyabr kuniga o‘tar kechasi nomaʼlum shaxs, Chust shahrida joylashgan telefon apparatlarini taʼmirlash ustaxonasiga eshikni buzib kirib, u yerdan narxi 850 ming so‘mlik “Samsung A5” rusumli uyali telefonni o‘g‘irlab ketganligini maʼlum qilib, chora ko‘rishni so‘ragan.
Olib borilgan tezkor-qidiruv va surishtiruv harakatlari natijasida ushbu jinoyatni Chust tumanida yashovchi 9-sinf o‘quvchisi, 2006-yilda tug‘ilgan bola sodir etganligi aniqlangan.
Hozirda ushbu holat yuzasidan Jinoyat kodeksining 169-moddasi 2-qismi (“O‘g‘rilik”) bilan jinoyat ishi qo‘zg‘atilgan.
Eslatib o‘tamiz, avvalroq Namanganda 11-sinf o‘quvchilari jinoyat sodir etgan hamda Pop tumanida maktab o‘quvchisi xonadonga o‘g‘irlikka tushgani haqida xabar berilgandi.
Javohirbek Tursunov
