Bugun Pokiston poytaxti Islomobod shahrida Islom hamkorlik tashkiloti yig‘ilishi bo‘lib o‘tadi
Unda "Afg‘oniston masalasi" ko‘rib chiqiladi
Davlat departamenti vakilining aytishicha, “Tolibon” harakati tashqi ishlar vaziri vazifasini bajaruvchi Amirxon Muttaqiy boshchiligidagi yuqori darajali delegatsiya yig‘ilishda ishtirok etish uchun Islomobodga yetib kelgan.
Maʼlumotlarga ko‘ra, mazkur uchrashuvda Afg‘oniston masalasi “batafsil” ko‘rib chiqiladi.
“Iqtisodiy inqiroz va Afg‘oniston xalqiga qanday gumanitar yordam ko‘rsatish” muhokamaning asosiy mavzusiga aylanadi”, - deb yoziladi rasmiy manbada.
Maʼlumot uchun, Islom hamkorlik tashkiloti yig‘ilishi Saudiya Arabistoni qirolining taklifi va Pokiston mezbonligida Islomobodda bo‘lib o‘tadi.
Avvalroq “Tolibon” G‘arb davlatlaridan sanksiyalarni bekor qilishni so‘ragani hamda Pokiston bosh vaziri Afg‘oniston yangi hukumatiga yordam berishga chaqirgani haqida xabar berilgandi.
Olamgir Abdiyev
