Janubiy Koreya Pfizer tabletkasidan foydalanishni boshlagan Osiyodagi ilk davlat
Hukumat preparat "Omicron" shtammiga qarshi samara berishiga umid qilmoqda.
Жанубий Корея янги "Omicron" штамми тарқалиши билан боғлиқ кескин вазият шароитида Pfizer таблеткаларини COVID-19 ни даволашда кенг қўллашни бошлаган биринчи Осиё давлатига айланади. Бу ҳақда Reuters агентлиги хабар берди.
Мамлакат ҳукумати ва мутахассислар препарат коронавирус билан касалланганлар сонининг кўпайишини олдини олишда ёрдам беришига умид қилмоқда. Маълум қилинишича, Америка компанияси томонидан ишлаб чиқарилган 630 мингга яқин таблеткалар Жанубий Кореядаги 280 дорихона ва 90 та даволаш марказларига етказиб берилган. Бу миқдор 21 минг потенциал беморни даволаш учун етади.
Гап биринчи навбатда 65 ёшдан ошган фуқаролар, шунингдек, иммунитети заиф ва сурункали касалликларга чалинган одамлар ҳақида бормоқда. 10 минг кишига мўлжалланган 300 минг дона препаратнинг навбатдаги партияси январь ойи охирида Жанубий Кореяга етказилиши кутилмоқда.
Эслатиб ўтамиз, Япония янги штамм сабаб хорижликларга мамлакатга киришни февраль охиригача тақиқлаган.
