Afg‘onistonning AQSHdagi elchisi lavozimidan ketdi
Vashington unga bosim o‘tkazgani aytilmoqda.
Afg‘onistonning AQSHdagi elchisi isteʼfoga chiqdi. Bu haqda ‘Sputnik Afganistan” xabar berdi.
Unga ko‘ra, Odil Roz Turkmaniston, Xitoy va Erondagi elchilardan so‘ng isteʼfoga chiqqan to‘rtinchi diplomat bo‘ldi. Ayrim maʼlumotlarga asosan, uning bu lavozimni tark etishida AQSH o‘tkazgan bosim sabab bo‘lgan. xususan, AQSH davlat departamenti elchixona xodimlaridan siyosiy va konsullik faoliyatini to‘xtatishni talab qilgan. Shuningdek, ularning diplomatik maqomi hamda immuniteti 30 kundan keyin bekor qilinishi aytilgan.
Odil Rozga dahlsizlikni saqlab qolish taklif qilingan, ammo u buni rad etgan. Bundan tashqari elchi davlat departamentidan Afg‘oniston Islom Respublikasi bayrog‘ini elchixonadan tushirmaslikni talab qilgan.
Eslatib o‘tamiz, avvalroq Pokiston nima uchun “Tolibon”ni tan olmayotgani maʼlum qilingandi.
Jahongir Qo‘ziyev
