Ashraf G‘ani Afg‘onistonga qaytmoqchimi?
Uning sobiq maslahatchisi bu haqida maʼlumot berdi.
Afg‘oniston sobiq prezidenti Ashraf G‘ani vataniga qaytmaydi. Bu haqda uning sobiq maslahatchisi Xamdulla Mohib maʼlum qildi.
“Prezident Ashraf G‘anining Kobulga qaytishi to‘g‘risidagi mish-mishlar asossiz. U barcha afg‘onlar uchun mustahkam tinchligi g‘oyasiga doimo ishongan va unga sodiq. G‘ani millat manfaatlari uchun fundamental bahs-munozaralarni qo‘llab-quvvatlashni davom ettiradi”, – degan Mohib rasmiy “Twitter” sahifasida.
Bundan avval toliblar G‘anini Afg‘onistonga qaytishga chaqirgani to‘g‘risida xabarlar tarqalgan. Ushbu xabar bosh vazirning ikkinchi o‘rinbosarining Twitter sahifasida eʼlon qilingan. Ammo keyinchalik bu maʼlumot “Tolibon” hukumatidagi madaniyat va axborot vaziri o‘rinbosari Zabihullo Mujohid tomonidan inkor qilingan.
Shunday bo‘lsa-da, bu afg‘on internet foydalanuvchilari orasida faol muhokama qilingan.
Avvalroq Afg‘onistondan Tojikistonga narkotik moddalar kirishi ko‘paygani xabar qilingandi.
