Moskvaga qarshi yangi frontda urush boshlangani eʼlon qilindi
Bu Ukrainadagi maxsus operatsiya bilan bog‘liq.
Anonymous hakerlik guruhi Rossiyaga qarshi kiberurush eʼlon qildi. Bu haqda "RIA novosti" xabar berdi.
“Anonymous” jamoasi rasman RFga qarshi urush eʼlon qiladi", — deyilgan guruhning Twitter sahifasida. Xabar so‘ngida #Ukraine xeshtegi qoldirilgan.
Shu bilan birga xakerlar Russia Today telekanaliga qilingan kiberhujumga javobgarlikni o‘z zimmasiga olgan. Shuningdek, payshanba kuni Rossiya hukumati, Kreml, RF parlamenti saytlari faoliyatida uzilishlar kuzatilgan. Putinning matbuot kotibi Dmitriy Peskov prezident saytiga kiberhujum uyushtirilmaganini maʼlum qilgan.
Avvalroq AQSH prezidenti Ukraina uchun ibodat qilishini aytgandi.
