FIFA Rossiyaga qarshi sanksiyalarni eʼlon qildi
Endi Rossiya hududida hech qanday xalqaro turnirlar o‘tkazilmaydi.
FIFA o‘z rasmiy saytida Rossiyaga qarshi bir qator sanksiyalarni eʼlon qildi.
Unga ko‘ra, Rossiya hududida hech qanday xalqaro turnirlar o‘tkazilmaydi. Uy uchrashuvlari neytral maydonlarda va tomoshabinlarsiz o‘tkaziladi.
Rossiya vakili bo‘lgan delegatsiya har qanday musobaqada Rossiya emas, Rossiya Futbol Ittifoqi (RFI) nomi ostida ishtirok etishi kerak bo‘ladi.
Rossiya jamoalari ishtirokidagi o‘yinlarda Rossiya bayrog‘i yoki madhiyasi ishlatilmaydi.
Eslatib o‘tamiz, avvalroq, urush sabab Yevropada futbol uchrashuvlari qoldirilishi haqida xabar berilgandi.
