Rossiya FIFA va UEFA‘ning taqiqiga mutlaqo qo‘shilmaydi
Rossiya futbol ittifoqi ushbu taqiqlarni kamsituvchi qaror sifatida qabul qilgan.
Rossiya futbol ittifoqi FIFA va UEFA‘ning Rossiya jamoalari va klublarining barcha musobaqalardan chetlatilishiga munosabat bildirdi.
"Rossiya FIFA va UEFA‘ning Rossiyaning barcha jamoalarini nomaʼlum muddatga xalqaro o‘yinlarda ishtirok etishdan chetlashtirish haqidagi qaroriga mutlaqo qo‘shilmaydi.
Bizning fikrimizcha, bu qaror xalqaro musobaqalar meʼyor va tamoyillariga, sport ruhiga ziddir. Bu ochiq-oydin kamsituvchi xususiyatga ega va juda ko‘p sonli sportchilar, murabbiylar, klublar va terma jamoalar xodimlariga, eng muhimi, xalqaro sport tashkilotlari manfaatlarini birinchi navbatda himoya qilishlari kerak bo‘lgan millionlab rossiyalik va chet ellik muxlislarga zarar yetkazadi.
"Bunday xatti-harakatlar tenglik, o‘zaro hurmat va siyosatdan mustaqillik tamoyillariga doimo amal qilib kelgan jahon sport jamoatchiligini ikkiga bo‘lib yubormoqda. Biz xalqaro sport qonunchiligiga muvofiq FIFA va UEFA qaroriga eʼtiroz bildirish huquqini saqlab qolamiz", - deyiladi xabarda.
Eslatib o‘tamiz, avvalroq, “Shalke 04” “Gasprom” bilan shartnomani bekor qilgani haqida xabar berilgandi.
