Bahodir Jalolov “face to face” marosimida qatnashdi
Olimpiada va jahon chempioni Bahodir Jalolov 18 mart kuni Dubay shahrida ringga ko‘tariladi.
Musobaqada hamyurtimizga polshalik Kamil Sokolovski raqiblik qiladi. Bugun esa o‘zbekistonlik bokschi “face to face” marosimida ishtirok etdi.
Maʼlumot uchun, polshalik jangchi faoliyati davomida 38 ta jang o‘tkazib, ularning 11 tasida g‘alaba qozongan. Qolgan 25 ta jangida esa mag‘lubiyat alamini tortib ko‘rgan.
Bahodir Jalolov esa professional boksda 9 ta jang o‘tkazib, ularning barchasida raqiblarini nokaut evaziga mag‘lub etgan.
Avvalroq, Bahodir Jalolov yangi promouterlik kompaniyasi bilan shartnoma imzolagani haqida xabar berilgandi.
Jamshidbek Amirov
