Diyego Simeonening otasi 80 yoshida vafot etdi
Bu haqda “Atletiko” klubi matbuot xizmati xabar berdi.
Madridning “Atletiko” klubi bosh murabbiyi Diyego Simeone otasidan ayrildi. Bu haqda ispan klubi matbuot xizmati xabar berdi. Murabbiyning otasi Karlos Simeone 80 yoshida vafot etgan.
Argentinalik mutaxassis 2011 yildan buyon Madridning “Atletiko” klubini boshqarib kelmoqda. Bu vaqt ichida u Ispaniya chempionatida ikki bor chempionlikni qo‘lga kiritdi. Bir martada mamlakat kubogi va superkubogi sohibiga aylandi. Shuningdek, “matraschilar” ikki marta Yevropa Ligasi (2011/2012, 2017/2018 yillar) va UEFA Superkubogi (2012, 2018) g‘olibi bo‘lgan.
Joriy mavsumda “Atletiko Madrid” 29 uchrashuvda 54 ochko to‘plagan holda Ispaniya chempionatining turnir jadvalida 4-o‘rinda bormoqda.
Avvalroq, Simenening o‘g‘li “Atletiko” bilan shartnomasini uzaytirgani haqida xabar berilgandi.
Jamshidbek Amirov
