Fyuri — Uayt. Kim favorit?
Boks bo‘yicha sobiq jahon chempioni 94 ming muxlis kelishi kutilayotgan jang haqida gapirdi.
Boks bo‘yicha yarim o‘rta vazn toifasida sobiq jahon chempioni Kostya Tszyu WBC yo‘nalishi chempioni Tayson Fyuri va Dillian Ueyt o‘rtasidagi jang haqida fikr bildirdi.
"Fyurini ushbu jangda favorit deb bilaman. Biroq, Tayson qanday formada ekanligini bilmayman. Agar kutilgan tayyorgarlikka ega bo‘lmasa, kutilmagan natija bo‘lish ehtimoli yuqori. Ikkalasi ham jangga tayyor bo‘lsa Fyuri baribir maʼlum bir ustunlikka ega”, — deya Kostya Tszyuning so‘zlaridan “Gazeta.ru” nashri iqtibos keltirdi.
Eslatib o‘tamiz, Fyuri va Uayt o‘rtasidagi jang 23 apreldan 24 aprelga o‘tar kechasi Londondagi “Uembli” stadionida bo‘lib o‘tadi. Oldinroq jang tashkilotchilari to‘qnashuvga 94 000 tomoshabin kelishi kutilayotgani xabar qilingandi. Agar bu amalga oshsa 21-asrda boks musobaqasiga muxlislarning tashrif buyurish bo‘yicha rekord o‘rnatiladi.
Avvalroq, Entoni Joshua Aleksandr Usikning imkoniyatlarini baholagani haqida xabar berilgandi.
Jamshidbek Amirov
