O‘zbekistondan Sochiga aviaqatnovlar uzaytirildi
Ayrim yo‘nalishdagi parvozlar 30-iyungacha Rossiyaning Sochi shahriga amalga oshiriladi.
O‘zbekiston shaharlaridan Rossiyaning Sochi shahriga aviaqatnovlar uzaytirildi. Bu haqda “Uzbekistan airways” matbuot xizmati xabar qildi.
Qayd etilishicha, Toshkent – Krasnodar – Toshkent, Toshkent – Rostov-na-Donu – Toshkent, Namangan – Krasnodar – Namangan yo‘nalishi bo‘yicha aviaqatnovlar 2022-yilning 1-iyunidan 30-iyunigacha Sochi shahriga amalga oshiriladi.
Eslatib o‘tamiz, bundan oldin 3-martdan 26-martgacha “O‘zbekiston–Sochi–O‘zbekiston” yo‘nalishida qo‘shimcha aviaqatnovlar yo‘lga qo‘yilgandi.
