Tramp 75 mamlakat vizalarini to‘xtatgani uchun sudga berildi
Inson huquqlari tashkilotlari tomonidan AQSH Davlat departamenti va uning direktori, Davlat kotibi Marko Rubio javobgar sifatida ko‘rsatilgan daʼvo arizasi topshirildi.
Inson huquqlari tashkilotlari prezident Donald Tramp maʼmuriyatiga qarshi AQSHning 75 mamlakat fuqarolariga viza taqiqi bo‘yicha sudga murojaat qildi. Bu haqda The Guardian nashri xabar berdi.
Tergov tashabbuskorlari AQSH Davlat departamenti va uning direktori Marko Rubioni migrantlarning Qo‘shma Shtatlarda moliyaviy yordam va himoya olish istagi yuzasidan asossiz shubhalar va yolg‘on daʼvolarda aybladi.
Daʼvo arizasi mualliflari vizaga murojaat qiluvchilarning aksariyati yillar davomida moliyaviy yordam ololmaganini taʼkidlab, Tramp maʼmuriyatining harakatlarini “o‘nlab yillar davomida ishlab chiqilgan immigratsiya qonunlarini bekor qilishga urinish” deb baholadi.
Davlat departamenti esa vizaning “huquq emas, balki imtiyoz” ekanligini taʼkidladi va rasmiylar tekshiruv tartibini takomillashtirish maqsadida vaqtincha hujjat berishni to‘xtatganini bildirdi. Shuningdek, bunday qadam “milliardlab dollarlarning isrofini, firibgarlik va qonunni suiisteʼmol qilishni” oldini olishga qaratilganligi aytildi.
Eslatib o‘tamiz, AQSHning Rossiya va boshqa 75 mamlakat fuqarolari uchun immigratsion vizalarni to‘xtatib turish to‘g‘risidagi qarori 21 yanvardan kuchga kirdi.
