Chirchiqda bezorilik bilan shug‘ullangan bir guruh shaxslar ushlandi
Ular ruhiy va jismoniy bosim o‘tkazish orqali fuqarolardan pul undirgan.
Toshkent viloyatining Chirchiq shahrida ko‘cha yechimi va bezorilik bilan shug‘ullangan bir guruh shaxslar qo‘lga olindi. Bu haqda DXX xabar berdi.
Ma’lum qilinishicha, qo‘lga olingan shaxslar jamoat tartibini qo‘pol ravishda buzib, fuqarolarga nisbatan ruhiy va jismoniy bosim o‘tkazish orqali pul undirish bilan shug‘ullangan. Ularga nisbatan jinoyat ishi qo‘zg‘atilgan.
Qo‘lga olingan shaxslar quyidagilar:
- Saidov Ikrom Erkinovich, 1988-yilda Buxoro viloyatida tug‘ilgan, muqaddam Jinoyat Kodeksining 277-moddasi bilan sudlangan;
- Saidov Islom Erkinovich, 1990-yilda Buxoro viloyatida tug‘ilgan, muqaddam Jinoyat Kodeksining 267-moddasi bilan sudlangan;
- Baizbayev Umidjon Zafar o‘g‘li, 1998-yilda Toshkent viloyatida tug‘ilgan;
- Rustamov A’zamjon Mansurovich, 2001-yilda Buxoro viloyatida tug‘ilgan;
- Suponov Qurbonali Nosirovich, 2002-yilda Navoiy viloyatida tug‘ilgan;
- Farmonov Mirzoxid Shuxratovich, 1988-yilda Qashqadaryo viloyatida tug‘ilgan.
Fuqarolardan ushbu shaxslarning noqonuniy harakatlaridan jabrlangan bo‘lsa, DXXning 1520 yoki IIVning 102 qisqa raqamlariga murojaat qilish so‘ralmoqda.
