PPX xodimining voyaga yetmagan qizga tegajog‘lik qilgani rad etildi
Holatda voyaga yetmagan qizning ishtiroki bo‘lganligi sababli, to‘liq tafsilotlar hozircha ochiqlanmadi.
Ijtimoiy tarmoqlarda IIO xodimining voyaga yetmagan qizga nisbatan shilqimlik qilganligi haqida xabarlar tarqalgandi. IIV Jamoat xavfsizligi departamenti holat yuzasidan o‘rganishlar olib borilayotgani haqida ma’lum qilgan.
Toshkent viloyati IIBB axborot xizmati ushbu holat bo‘yicha yangi tafsilotlarni ochiqladi. Xabarga ko‘ra, surishtiruvlar davomida tarqatilayotgan xabarda keltirilgan iddaolar mutlaqo haqiqatga to‘g‘ri kelmasligi ma’lum bo‘lgan.
Qayd etilishicha, 2026-yilning 27-aprel kuni, soat tungi 00:40 da Ohangaron shahar IIB PPX xodimiga, tanishi 22 yoshli A.K. (ayol) qo‘ng‘iroq qilib, undan maslahat olish zaruratini aytib chaqirgan.
PPX xodimi yetib borgan vaqtida, 22 yoshli A.K.(ayol) bilan, uning 14 yoshli qiz tanishi birga chiqib, xodimning mashinasiga o‘tirgan.
“Shu vaqtda 18 yoshli A.X. (qizi singlisi ekanini aytgan shaxs), 4 nafar tanishlari bilan kelib, xodimni haqoratlab, janjal ko‘targan. U aslida 14 yoshli qizning hech qanday qarindoshi hisoblanmaydi”, deyiladi xabarda.
Matbuot xiholatda voyaga yetmagan qizning ishtiroki bo‘lganligi sababli, to‘liq tafsilotlar hozircha ochiqlanmaganini bildirib, ish yakuniga ko‘ra yolg‘on axborot tarqatgan shaxslarga nisbatan ma’muriy, og‘ir oqibatlarga olib kelgan taqdirda jinoiy javobgarlik choralari ko‘riladi.
