Zelenskiy Putin bilan G7da uchrashuv taklif qildi, Rossiya javob bermadi
Ukraina tomoni muzokara tashabbusini bir nechta kanallar orqali yetkazgan.
Ukraina prezidenti Vladimir Zelenskiy Rossiya prezidenti Vladimir Putin bilan Fransiyada bo‘lib o‘tadigan G7 sammiti doirasida uchrashish taklifini ilgari surganini ma’lum qildi. Bu haqda u Kiev-Pechersk Lavrasiga tashrifi chog‘ida jurnalistlarga bergan intervyusida aytib o‘tdi, deya xabar bermoqda Reuters.
Zelenskiyning so‘zlariga ko‘ra, ushbu tashabbus G7 formatida, AQSh va Yevropa yetakchilari ishtirokida o‘tkazilishi mumkin bo‘lgan muzokaralar uchun muhim imkoniyat bo‘lishi mumkin edi. Biroq Rossiya tomoni bu taklifga javob bermagan.
RBC-Ukraina manbalariga ko‘ra, uchrashuv tashabbusi bir nechta diplomatik kanallar, jumladan vositachilar va razvedka liniyalari orqali ham yetkazilgan, ammo Moskva tomonidan aniq javob berilmagan.
G7 sammiti 15–17-iyun kunlari Fransiyaning Evian-le-Ben shahrida bo‘lib o‘tishi rejalashtirilgan.
Avvalroq Zelenskiy Putin bilan bevosita muzokara o‘tkazishga tayyor ekanini bildirgan, Rossiya prezidenti esa hozirgi sharoitda bunday uchrashuvni maqsadga muvofiq emas deb atagan edi.
