Jamiyat
|
26 Avgust 18:24
458
Jamiyat
|
26.08.2021, 18:24
458

Metrodagi tirbandliklarga tez orada barham beriladi

Yaqin kunlarda Toshkent metro bekatlarida barcha aloqa kompaniyalari va bepul WI FI ishlay boshlaydi. Bu haqda Transport vazirligi va "Toshkent metropoliteni" DUK mutasaddilari ishtirokida o‘tkazilgan brifingda maʼlum qilindi.

 

Metrodagi tirbandliklarga tez orada barham beriladi

 

Metropolitendagi xizmatlar turlarini ko‘paytirish maqsadida bugungi kunda metropoliten barcha bekatlarida mobil aloqa vositasi (USELL) va bepul internet tarmog‘i (WI-FI) ishlayapti. 

 

Metrodagi tirbandliklarga tez orada barham beriladi

 

Metropoliten mutaxassislari tomonidan boshqa mobil aloqa operatorlarini jalb qilish bo‘yicha ishlar olib borilmoqda.

 

Toshkent metropoliteni yo‘lovchilar bilan to‘g‘ridan-to‘g‘ri va eng muhimi tezkor muloqotni yo‘lga qo‘ymoqchi. Buning uchun yaqin kunlarda “Metropoliten-yo‘lovchi” portali ochiladi. Ushbu portal orqali barcha yo‘lovchilar metropoliten faoliyati bo‘yicha taklif va eʼtirozlarini bildirishi mumkin bo‘ladi.

 

Ko‘ngilsiz voqealarning oldini olish maqsadida metropolitenning jihoz va uskunalarini yangilash uchun yangi loyihalar ishlab chiqilmoqda.

 

Tadbirda metrodagi tirbandliklarga yaqin kunlarda barham berilishi bo‘yicha ham so‘z bordi. Mamlakatimiz mustaqilligining 30 yilligi munosabati bilan 20 ta yangi metro vagonlari (5 ta metro tarkibi) olib kelinishi rejalashtirilgan.

 

Eslatib o‘tamiz, avvalroq joriy yilning 30-avgustidan boshlab metropolitenning barcha tarmoqlarida poyezdlar orasidagi vaqt qisqartirilishi haqida xabar berilgandi.

 

 

Maftuna Rejabboyeva