Ozarbayjon mudofaa vaziri Zokir Hasanov Samarqandda vertolyot halokati ortidan O‘zbekiston mudofaa vaziri Bahodir Qurbonovga hamdardlik bildirdi. Bu haqda Sputnik Ozarbayjon xabar berdi.
“Ekipaj aʼzolarining vafoti haqidagi xabar chuqur qayg‘uga soldi. Halok bo‘lganlarning yaqinlariga hamdardlik bildiramiz, ularning qayg‘usiga sherikmiz”, – deyiladi xabarda.
Eslatib o‘tamiz, kecha Mi-8 harbiy vertolyoti o‘quv parvozi vaqtida halokatga uchradi va ekipajning barcha aʼzolari halok bo‘ldi.