Забиҳулло Мужоҳид: “Покистон толибонининг афғон толибларига ҳеч қандай алоқаси йўқ”
“Толибон” расмий вакили Забиҳулло Мужоҳид афғон толибларининг Покистон толиблари билан алоқаси мавжуд эмаслигини маълум қилди.
Бу ҳақда у “Geo Tv” каналига берган интервьсида айтиб ўтган.
Мужоҳиднинг сўзларига кўра, Покистондаги “Тахрики Толибон Покистон” (Покистон Толибон ҳаракати)нинг Афғонистон толибларига ҳеч қандай алоқаси йўқ. Бу ҳаракат билан Покистон ҳукумати шуғулланиши лозим.
Покистон уламолари ва диний вакиллари ўз хатти-ҳаракатлари қонуний ёки қонуний эмаслигига баҳо бериши ҳамда стратегиясини ишлаб чиқиши кераклигини таъкидлади.
“Агар Покистон толиблари бизни ўз раҳбарлари сифатида биладиган бўлса, бизга қулоқ солишлари керак”, деб айтган Мужоҳид.
Эслатиб ўтамиз, бундан аввал Франция Президенти Эммануель Макрон Кобул шаҳрида хавфсиз зона яратишни таклиф қилган эди.
