Чирчиқ дарёси устига янги кўприк қурилади
Транспорт вазирлиги маълумотларига кўра, Чирчиқ дарёсида янги замонавий кўприк бунёд этилади. У Тошкент вилояти ҳудудидан ўтади.
Қайд этилишича, кўприк қурилиши ишлари бошлаб юборилган.
Мазкур лойиҳа Ўзбекистон Транспорт вазирлиги, “Ўзбекистон темир йўллари” АЖ ва Тошкент вилояти ҳокимлиги томонидан ишлаб чиқилган.
Ушбу кўприк 4Р12 “Тошкент — Чорвоқ” автомагистралидан Чирчиқ шаҳрига кираверишда дарё тўғони ёнида қурилади. Лойиҳада тўхташ ҳудудлари, суғориш ва ирригация тизимлари, ташқи ёритиш қурилмалари эътиборга олинган.
Бундан аввалроқ дунёдаги энг муҳташам 10 та кўприкнинг фотожамланмаси тақдим этилганди.
Чўлпоной Аҳмедова
