Паралимпиада ўйинларида иштирок этган ўзбек қизи ҳақидаги фильм намойиши бўлиб ўтди
Президент Шавкат Мирзиёев ташаббуси билан қайта тикланган ва Кинематография агентлиги томонидан ўтказилаётган “Ипак йўли дурдонаси” XIII Тошкент Халқаро Кинофестивалида бугун режиссёр ва продюссер Тимур Бекмамбетов билан ижодий учрашув бўлиб ўтди.
Учрашувда Тимур Бекмамбетов ўзи яратган маданият соҳасини ривожлантиришга қаратилган жамғарма ҳақида маълумотлар берди.
Маълумки, мазкур фонднинг фаолияти ижодкор ёшларни қўллаб-қувватлашга қаратилган. Учрашувда режиссёр фонд кўмаги билан ишланган, Токиода ўтказилган паралимпиада ўйинлари иштирокчиси Асила Мирзаёрова ҳақидаги қисқа метражли анимацион фильмни намойиш қилди.
Шу билан бирга, учрашувда Тимур Бекмамбетов фонди ҳомийлигида ишланган режиссёр Леван Габриадзенинг “Онажон, биласизми, мен қаердаман?” фильми, Жанна Бекмамбетованинг “Чик-чирик” мултфильми намойиш этилди.
Эслатиб ўтамиз, кинофестивал бош ҳомийси: AGMK, NGMK va “O‘zbekneftgaz”. Hamkor homiylar: “O‘ZBEKTELEKOM”, “O‘zdonmahsulot” AK, “O‘zpromstroybank”ATB, “Ipoteka-bank” ATIB, “Asakabank”AJ, “O‘zbekiston temir yo‘llari”, “Hududgazta’minot”, “UzAuto Motors”AJ, “O‘zmetkombinat” AJ, “Milliy bank”AJ, “Farg’onaazot”AJ, “Eriell”, “Bosch” TM, “Easy Booking”.
Аввалроқ, Турк ва Ҳинд киноижодкорлари билан ижодий кеча ташкил этилгани, Ўзбекистон, Қозоғистон ва Россия ҳамкорлигида Хўжа Насриддин ҳақида мултфилмь суратга олиниши ҳақида хабар қилинганди.
Чўлпоной Аҳмедова
