Банкдан қарз олган раҳбар гаровга қўйилган юк машинани яшириб қўйди

 

 

Унда айтилишича, Музработ туманида ташкил этилган масъуляти чекланган жамиятлардан бирининг раҳбари фаолият турини кенгайтириш мақсадида банкдан катта миқдорда кредит олади. Бунинг учун эса жамиятга тегишли бўлган “HOWO” русумли юк машинасини гаровга қўяди.

 

Лекин кредитни ўз вақтида қайтаролмайди. Натижада Шеробод туманлараро иқтисодий суди жорий йил июнь ойида ижро ҳужжати чиқаради. Унга асосан қарздор жамиятдан банк фойдасига 334 миллион сўм ундириш белгиланади.

 

Олиб борилган мажбурий ижро ҳаракатлари давомида қарздор жамиятга тегишли бўлган, гаровга қўйилган юк машинаси хатланади. Cўнг далолатнома ва тилхат асосида вақтинча сақлаш учун жамият раҳбарига қайтарилади.

 

Мазкур далолатнома ва тилхатга кўра, агар хатланган мулк қонунга зид равишда тасарруф этилса, жиноий жавобгарликка тортилиши ҳақида огоҳлантириш қайд этилган.

 

Шундан кейин ҳам жамият қарзини бартараф этишга  ҳаракат қилмагани сабабли гаровга қўйилган юк машинаси 250 миллион сўмга баҳоланиб, аукцион савдосига чиқарилиши керак эди. Аммо жамият раҳбари юк машинасини қасддан яшириб аукцион савдосига чиқаришга тўсқинлик қилади. Натижада, жамият раҳбарига Бюронинг вилоят бошқармаси томонидан Жиноят кодексининг 233-моддаси билан жиноят иши қўзғатилиб, дастлабки тергов ҳаракатлари олиб бориш учун вилоят прокуратурасига юборилди.

 

Aввалроқ Бухорода қарздорларнинг машиналари, шунингдек, Қарздорнинг “Trailblazer” автомашинаси хатлангани ҳамда МИБ томонидан 742 минг 476 та ижро ҳужжатининг муддати бузилган ҳолда ижро этилгани ҳақида хабар берилганди.

 

 

Оламгир Абдиев