Ургутда фуқаро "опий" ва "героин! билан қўлга олинди
Самарқанд вилоят ИИБ ЖҚБ ходимлари Ургут туманида шубҳа уйғотган "Cobalt" русумли автомашина тўхтатиб, туман ИИБ биносига олиб келди.
Холислар иштирокида ҳайдовчи B.M. шахсий тинтув қилинган вақтида эгнидаги спорт кийими ўнг чўнтагидан 3 дона целлофан пакетга солинган оқ рангли, ўткир ҳидли, «героин» гиёҳвандлик моддаси, чап чўнтагидан 10 дона целлофан пакетларга алоҳида-алоҳида қилиб қадоқланган қора рангли «опий» гиёҳвандлик моддаси ва 1 дона электрон тарози топилди. Аниқланган гиёҳванд моддалар ҳужжатлаштирилди. Текшириш жараёнида фуқаро B.M.дан далилий ашё сифатида олинган 3 дона целлофан бўлакларидаги «героин» гиёҳвандлик моддаси оғирлиги 2,96 граммга тенглиги, 10 дона целлофан бўлакларига қадоқланган «опий» моддаси оғирлиги эса 8,69 грамм экани аниқланди.
Мазкур ҳолат юзасидан Ургут тумани ИИБ ҳузуридаги тергов бўлинмаси томонидан Ўзбекистон Республикаси Жиноят кодекснинг 273-моддаси 5-қисми билан жиноят иши қўзғатилди.
Бундан аввал Деновда тез ёрдам ҳайдовчиси катта миқдордаги гиёҳванд моддалар билан қўлга тушгани ҳамда Чирчиқда ярим тунда кучли таъсир қилувчи дори воситаларини олиб юрган шахслар ушлангани ҳақида хабар берилган эди.
