Чилонзор туманининг айрим жойларида газ таъминот вақтинча узилади
Маълум қилинишича, 2021 - 2022 – йиллар куз – қиш мавсумига тайёргарлик кўриш мақсадида “Ҳудудгаз Пойтахт” ГТФнинг “Чилонзор тумангаз” газ таъминоти бўлими томонидан Лутфий кўчасидаги Д - 426 мм ўрта босим ер ости газ қувурини мукаммал таъмирлаш ишлари режалаштирилган.
Шу сабабли, 2021-йил 11 октябрь куни соат 10:00 дан 18:00 га қадар Лутфий маҳалласидаги 378 та ерли хонадон, 2 та кўп қаватли уйдаги 98 та хонадон, “1–Қатортол” маҳалласидаги 356 та ерли хонадон, 2 та кўп қаватли уйдаги 128 та хонадон, 8-мавзедаги 58 та кўп қаватли уйлардаги 2298 та хонадон, 9-А мавзедаги 48 та кўп қаватли уйлардаги 1896 та хонадонлар, 7-мавзедаги 64 та кўп қаватли уйлардаги 2682 та хонадон ҳамда ушбу манзиллардаги улгуржи истеъмолчиларида табиий газ таъминоти вақтинча тўхтатилади.
Шунингдек, таъмирлаш ишлари тугатилгандан сўнг, табиий газ таъминоти қайта тикланади.
Эслатиб ўтамиз, бундан аввал табиий газ учун тўловлар онлайн тизимга ўтказилиши ва огоҳлантиришсиз ўчирилмаслиги ҳақида хабар берилганди.
Чўлпоной Аҳмедова
