“Бир кунлик тўй” комедиясининг махсус намойиши бўлиб ўтди
Ёшлар ижод саройида Кинематография агентлиги буюртмасига асосан Spectre студияси томонидан суратга олинган “Бир кунлик тўй" кинокомедиясининг ОАВ вакиллари, мутахассислар ва ёшлар учун махсус намойиши бўлиб ўтди.
Фильм сценарий муаллифи ва постановкачи режиссëр Шоҳрух Расулов, постановкачи оператор Иззатилла Лутфуллаев, постановкачи рассом Акмал Саидов, бош продюсер Фирдавс Абдухолиқов, ижрочи продюсер Давронхўжа Абдуғаниев, муҳаррир Фурқат Усмонов.
Фильм намойишидан сўнг Киномедиаклуб аъзолари ва бошқа ОАВ вакиллари иштирокида муҳокама бўлиб ўтди. Ижодкорлар кинокартинанинг суратга олиш жараёнлари билан боғлиқ саволларга жавоб берди.
Бундан аввал “Бир кунлик тўй” комедияси премьераси бўлиб ўтиши ҳақида хабар берилганди.
Чўлпоной Аҳмедова
