Қашқадарёда бировнинг уйига меҳмонга келган шахс машина ўғирлаб қочиб кетди
Қашқадарё вилоят ИИБ хабарига кўра, Деҳқонобод тумани "Бўстон" маҳалласида яшовчи фуқаро Х.К. 102 хизматига мурожаат қилди.
Маълум бўлишича, 2021 йил 17 октябрдан 18 октябрга ўтар кечаси туманнинг "Ўзбекистон" маҳалласида яшовчи Ж.Д. уйига меҳмонга келиб, ётиб қолиб, тунда ҳамма ухлаб ётганидан фойдаланиб, "Nexia" русумли автомашинаси ва бир дона баҳоси 500 минг сўмлик телефон аппаратини олиб қочиб кетганини билдирган.
Таъкидланишича, Ички ишлар органлари ходимлари томонидан олиб борилган тезкор тадбирлар натижасида "Nexia" русумли автомашина шу куни соат 11:30 атрофида туманнинг "Айридевол" маҳалласидан техник соз ҳолда топилган.
Ҳозирда мазкур ҳолат юзасидан Деҳқонобод тумани ИИБ ТБ томонидан жиноят иши қўзғатилиб, тергов ҳаракатлари олиб борилмоқда.
Аввалроқ Сурхондарёда телефон ўғриси ушлангани, Наманганда 48 ёшли аёлнинг велосипеди ўғирлаб кетилгани, Россияда ўзбекистонлик эркак ўғирланган машинада автоҳалокатга учрагани ҳамда Тошкентда шиналар ўрнига ғишт қўйиб кетаётган ўғирилар қўлга тушгани ҳақида хабар берилганди.
