Сурхондарё вилояти Термиз шаҳарида телефон ўғриси қўлга олинди. Бу ҳақда ИИВ Киберхавфсизлик маркази хабар берди.
Маълум бўлишича, жорий йилнинг 11 сентябрь куни Сурхондарё вилояти, Термиз шаҳар ҳудудида истиқомат қилувчи Ф.С "102" қисқа рақамига қўнғироқ қилиб, ушбу куни соат 06:30 лар атрофида яшаш хонадонида уйқудан уйғонган вақтида бош қисмида бўлган баҳоси 2 миллион сўмлик “Honor 10" русумли телефон аппаратини номаълум шахс томонидан ўғирлаб кетилганлигини маълум қилган.
Мазкур ҳолат юзасидан Ўзбекистон Республикаси ИИВ Киберхавфсизлик марказининг тезкор гуруҳи томонидан тезкор тадбирлар олиб борилди.
Қайд этилиишича, тадбир жараёнида ушбу жиноятни Сурхондарё вилояти, Сариосиё туманида истиқомат қилувчи, ёлланма ишчи, 1990 йилда туғилган С.Х содир этганлиги аниқланди, унинг ёнидан ашёвий далил тариқасида телефон аппарати олиб қўйилди.
С.Х.га нисбатан Жиноят Кодексининг 169-моддаси билан жиноят иши қўзғатилиб, дастлабки тергов ҳаракатларига киришилди. С.Х.нинг яна бошқа турдаги телефон ва компьютер технологиялари билан боғлиқ жиноятларни содир этганлиги бўйича маълумотлар олиниб, унинг бошқа қилмишлари бўйича тезкор-қидирув тадбирлари давом эттирилмоқда.
Аввалроқ Наманганда 48 ёшли аёлнинг велосипеди ўғирлаб кетилгани, уюшган гуруҳ эшик қулфини бузиб кириб дўконни ўмаргани, Учтепада 15 млн сўм миқдоридаги қарийб 1000 метрлик кабеллар ўғирлангани ҳамда Тошкентда банкоматни бузиб, ичидан 165 млн сўм ўғирлаган шахс ушлангани ҳақида хабар берилганди.