Фермер хўжалигига тегишли бўлган ерни сотмоқчи бўлган шахс ушланди

 

Бош прокуратураси ҳузуридаги Иқтисодий жиноятларга қарши курашиш департаменти хабар берди.

 

Унда айтилишича, фуқаро М.Р. Чортоқ туманидаги “W.” фермер хўжалигига қарашли ер майдонининг 8 гектарини фуқаро Б.гa 17 000 АҚШ доллари эвазига танишлари орқали олиб беришни ваъда қилган.

 

Департаментнинг Уйчи туман бўлими томонидан ўтказилган тезкор тадбирда фирибгар М.Р. 5 000 АҚШ доллари ва 53,7 миллион сўмни олган вақтида ашёвий далиллар билан ушланган.

 

Ҳозирда мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.

 

Аввалроқ Жарқўрғон туманида захирадаги ерни сотмоқчи бўлган фирибгар ушлангани, ДХХ томонидан ноқонуний ер сотиш ҳолатларининг олди олингани ҳамда Фарғонада “аукцион” орқали арзон ер майдони олиб бераман деб 60 миллион сўмни қўлга киритган шахс қўлга олингани ҳақида хабар берилганди.

 

Оламгир Абдиев