Истанбулда фоҳишаликка мажбур қилинган аёл қутқарилди

 

Жорий йилнинг август ойида Н.Ш. фуқаро А. (Ўзбекистонда) ва Д. (Туркиядаги опаси) томонидан энагаликка алдов йўли билан Истанбулга олиб келинган ва фоҳишалик қилиш учун мажбур қилинган.

 

Уларнинг тузоғидан қочишга ҳаракат қилган Н.Ш. маҳаллий полиция томонидан ушланган.

 

Полиция участкасидан фуқаро Н.Ш.ни Д. исмли бошқа бир фуқаро олиб чиқиб, Н.Ш.га 500 АҚШ доллар микдорида қарз қўйган. Паспорт ва бошқа ашёларини олиб қўйиб Д. ҳам Н.Ш.ни фоҳишалик қилишга мажбурлаган.

 

Жорий йилнинг 30 октябрь куни фуқаро Н.Ш. у ердан қочиб, Ўзбекистон консулхонасига келди.

 

Бош консулхона ва “Ўзбек аёллар ҳуқуқлари жамияти” (Ozbek Kadın Hakları dernegı) билан ҳамкорликда олиб борилган ишлар натижасига кўра, Н.Ш.га тегишли бўлган шахсий ашёлар ва ҳужжатлар қайтариб олинди ва ҳозирги вақтда юртдошимизни ватанга қайтариш билан боғлиқ масалалар кўриб чиқилмоқда.

 

Аввалроқ, уч кишини Туркияга жўнатаётган аёл Тошкент аэропортида ушлангани ҳамда Тошкентда 359 нафар аёл фоҳишалик билан шуғуллангани учун жавобгарликка тортилгани ҳақида хабар бергандик.

 

Муножат Валиева