Машина рақамини ёпган фуқаро қўлга олинди

 

Ижтимоий тармоқда "Nexia" автомобилининг ҳайдовчиси давлат рақам белгисини сигарета қутиси билан ёпиб қўйгани акс этган фотолавҳа тарқалди.

 

Фотолавҳа юзасидан Сирдарё вилояти ИИБ ЙҲХБ ходимлари томонидан суриштирув ишлари олиб борилиб, қоидани бузган ҳайдовчи аниқланди. Унга нисбатан Маъмурий жавобгарлик тўғрисидаги Кодекснинг 125 прим 5 моддаси тартибида маъмурий баённома расмийлаштирилди.

 

Аввалроқ Тошкентда қидирувда бўлган ҳайдовчи ЙПХдан қочаётганида инспектор ва пиёдани уриб юборгани  ҳамда Яккасаройда ўтказилган тунги рейдда "Lacetti" салонидан гиёҳвандлик моддаси топилгани ҳақида хабар берилганди. 

 

Муножат Валиева