“Тошкент ёшларни севади” фестивали фаол қатнашган ёшларнинг 10 нафари Францияда ўқийди

 

Аввал хабар қилганимиздек,“Тошкент ёшларни севади” фестивали 15 ноябрдан 15 декабрга қадар ўтказилади.

 

Қайд этилишича, Тошкент шаҳар ҳокими Жаҳонгир Ортиқхўжаев “Тошкент ёшларни севади” фестивали доирасида ўтказиладиган тадбирлар юзасидан бўлиб ўтган матбуот анжуманида ёшларни қандай мукофотлар кутаётганини айтиб ўтди. Шунингдек,  форумнинг энг фаол ёшларининг 10 нафарига Франциянинг машҳур “Ле Кордон Блю” (Le Cordon Bleu) университетига 6-9 ойлик ўқув курсларида ўқиш имконияти берилади.

 

Тошкент шаҳар ҳокими Жаҳонгир Ортиқхўжаев шундай дейди:

 

“Бундан кейин фаол қатнашган ёшларга мукофотни машина, уй-жойларга эмас, чет элнинг кучли университетларида таълим олиб келишга йўналтирсак ҳамма ёшларга ёқса керак. Чет элнинг юксак олийгоҳларида ўқиб, тажриба ўрганиб,   олинган тажрибани Ўзбекистонга йўналтирсак яхши бўлади”.

 

Maʼlumot o‘rnida: yoshlar oyligi  4 ta yo‘nalish, yaʼni  texnologiyalar, taʼlim, sport va madaniyat sohalarida o‘tkazilgandi.

 

Эслатиб ўтамиз, аввалроқ  22 нафар ўзбекистонлик ёшлар ВГИКда ўқиш учун юборилгани  ҳақида хабар берилганди.

 

Чўлпоной Аҳмедова