2022 йилда иш ҳақи, пенсия миқдори оширилади
2022 йилда давлат қарзларини сўндириш харажатлари 10 трлн сўмдан ортиқ бўлиши режалаштирилмоқда.
Жумладан, давлат қарзига хизмат кўрсатиш бўйича фоиз тўловлари учун харажатлар 4 трлн сўмдан ортиқ бўлиши кутилмоқда.
Бундан ташқари, келгуси йил иш ҳақи, пенсия, стипендия, нафақалар миқдорларини ва айрим хизмат турлари бўйича тарифларни ошириш билан боғлиқ харажатларга 11,7 трлн сўм йўналтирилади. Шунингдек, Пенсия жамғармасига трансфертлар учун 14 трлн сўм ажратилда.
Хусусан, таълим кредитини молиялаштиришга 1 трлн сўм, Давлат тиббиёт суғуртаси жамғармаси харажатлари учун эса 600 млрд сўм ажратилади.
Эпидимологик вазият ҳам ҳисобга олинган ҳолда коронавирус пандемиясига қарши курашиш ва вакцина сотиб олиш учун харажатларга 1,7 трлн сўм ажратилиши белгиланди.
Эслатиб штамиз, аввалроқ “Суюнчи пули” энди банк пластик картасига ҳам ўтказиб берилилиши ҳамда эндиликда пенсия ҳисоб-варағида қанча маблағ йиғилганини билиш мумкинлиги ҳақида хабар берилганди.
Чўлпоной Аҳмедова
