Тошкентда фирибгар ўзганинг кредитга олинган “Malibu-2”сини сотиб юборди
Ушбу машина 276 миллион сўм кредит маблағи эвазига харид қилинганди.
Бош прокуратура ҳузуридаги Иқтисодий жиноятларга қарши курашиш департаментининг хабарига кўра, департаментнинг Шайхонтоҳур туман бўлими томонидан терговга қадар текширув ўтказилди.
Аниқланишича текширувда фуқаро Б.К. тижорат банкининг 276 миллион сўм кредит маблағи эвазига харид қилган “Malibu-2” русумли автотранспорт воситасини гаровга қўймасдан фуқаро А.га сотиб юборган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
Эслатиб ўтамиз, аввалроқ банкдан қарз олган раҳбар гаровга қўйилган юк машинани яшириб қўйгани, қарздорнинг “Trailblazer” автомашинаси хатлангани ҳамда Навоийда ака-ука товламачиликда айблангани ҳақида хабар берилганди.
