"Мен ўғри бўлганда ойлар ойдин бўлди"
Жиноятчини бармоқ излари орқали топишди.
Бектемир туманида номаълум шахс Н.Р.нинг яшаш хонадонига ўғирликка тушган. У уй ичидаги сейфдан тилла тақинчоқлар ва 450 минг пул ўғирлаб кетган. Мазкур факт асосида Жиноят кодексининг 169-моддаси 2-қисми (Ўғрилик) бўйича жиноят иши қўзғатилди.
Кўрилган чора-тадбирлар натижасида гумонланувчи тез орада қўлга олинди. Маълум бўлишича ушбу фуқаро – 20 ёшли Д.А. бўлиб, уни ўғрилик содир этган жойда қолдирган бармоқ излари орқали аниқлашган. Ҳозирда тергов ҳаракатлари давом этмоқда.
Аввалроқ дўкондан 8 минг доллар ва 8 миллион сўм пул ўғирлаган шахс ушлангани ҳамда Наманганлик 13 ёшли бола бувисининг "сейф"ига ўғирликка тушгани ҳақида хабар берилганди.
Муножат Валиева
