Наманганда 9-синф ўқувчиси ўғирликка қўл урди
У телефон таъмирлаш устахонаси эшигини бузиб кирган.
Наманган вилояти ИИБ ахборот хизматининг хабар беришича, 2021 йил 24 ноябр куни Чуст шаҳрида яшовчи фуқаро ариза билан мурожаат қилиб, шу йил 20 ноябр кунига ўтар кечаси номаълум шахс, Чуст шаҳрида жойлашган телефон аппаратларини таъмирлаш устахонасига эшикни бузиб кириб, у ердан нархи 850 минг сўмлик “Samsung A5” русумли уяли телефонни ўғирлаб кетганлигини маълум қилиб, чора кўришни сўраган.
Олиб борилган тезкор-қидирув ва суриштирув ҳаракатлари натижасида ушбу жиноятни Чуст туманида яшовчи, 9-синф ўқувчиси, 2006 йилда туғилган бола содир этганлиги аниқланган.
Ҳозирда ушбу ҳолат юзасидан Жиноят кодексининг 169-моддаси 2-қисми (“Ўғрилик”) билан жиноят иши қўзғатилган.
Эслатиб ўтамиз, аввалроқ Наманганда 11-синф ўқувчилари жиноят содир этган ҳамда Поп туманида мактаб ўқувчиси хонадонга ўғирликка тушгани ҳақида хабар берилганди.
Жавоҳирбек Турсунов
