Парижликлар ажойиб янгиликка қўл урди
Париж-2024 Олимпия ўйинларининг ташкилий қўмитаси тантанали очилиш маросимини Сена дарёсида ўтказмоқчи.
Париж-2024 Олимпия ўйинларининг ташкилий қўмитаси ажойиб бир янгиликни эълон қилди. Унга кўра, ташкилотчилар мусобақанинг тантанали очилиш маросимини стадионда эмас, очиқ ҳаво остида, яъни Сена дарёси бўйлаб ўтказишни мўлжалламоқда.
Режага кўра, маросимда иштирокчи давлатлар махсус қайиқларда дарё бўйлаб белгиланган 6 километрлик масофани сузиб ўтишади. Парад йўналиши дарё бўйлаб шаҳарнинг кўзга кўринган объектлари олдидан ўтади. Ҳисоб-китобларга кўра, бундай маросимни 600 минг томошабин бевосита соҳил бўйларида кузатиб бориши мумкин.
Аввалроқ Халқаро Олимпия қўмитаси КХДР МОҚни жазолагани ва қишки Олимпия ўйинларининг машъаласи ёқилгани ҳақида хабар берилганди.
Жамшидбек Амиров
