Афғонистоннинг АҚШдаги элчиси лавозимидан кетди
Вашингтон унга босим ўтказгани айтилмоқда.
Афғонистоннинг АҚШдаги элчиси истеъфога чиқди. Бу ҳақда ‘Sputnik Афганистан” хабар берди.
Унга кўра, Одил Роз Туркманистон, Хитой ва Эрондаги элчилардан сўнг истеъфога чиққан тўртинчи дипломат бўлди. Айрим маълумотларга асосан, унинг бу лавозимни тарк этишида АҚШ ўтказган босим сабаб бўлган. хусусан, АҚШ давлат департаменти элчихона ходимларидан сиёсий ва консуллик фаолиятини тўхтатишни талаб қилган. Шунингдек, уларнинг дипломатик мақоми ҳамда иммунитети 30 кундан кейин бекор қилиниши айтилган.
Одил Розга даҳлсизликни сақлаб қолиш таклиф қилинган, аммо у буни рад этган. Бундан ташқари элчи давлат департаментидан Афғонистон Ислом Республикаси байроғини элчихонадан туширмасликни талаб қилган.
Эслатиб ўтамиз, аввалроқ Покистон нима учун “Толибон”ни тан олмаётгани маълум қилинганди.
Жаҳонгир Қўзиев
