Ашраф Ғани Афғонистонга қайтмоқчими?
Унинг собиқ маслаҳатчиси бу ҳақида маълумот берди.
Афғонистон собиқ президенти Ашраф Ғани ватaнига қайтмайди. Бу ҳақда унинг собиқ маслаҳатчиси Хамдулла Моҳиб маълум қилди.
“Президент Ашраф Ғанининг Кобулга қайтиши тўғрисидаги миш-мишлар асоссиз. У барча афғонлар учун мустаҳкам тинчлиги ғоясига доимо ишонган ва унга содиқ. Ғани миллат манфаатлари учун фундаментал баҳс-мунозараларни қўллаб-қувватлашни давом эттиради”, – деган Моҳиб расмий “Twitter” саҳифасида.
Бундан аввал толиблар Ғанини Афғонистонга қайтишга чақиргани тўғрисида хабарлар тарқалган. Ушбу хабар бош вазирнинг иккинчи ўринбосарининг Twitter саҳифасида эълон қилинган. Аммо кейинчалик бу маълумот “Толибон” ҳукуматидаги маданият ва ахборот вазири ўринбосари Забиҳулло Мужоҳид томонидан инкор қилинган.
Шундай бўлса-да, бу афғон интернет фойдаланувчилари орасида фаол муҳокама қилинган.
Аввалроқ Афғонистондан Тожикистонга наркотик моддалар кириши кўпайгани хабар қилинганди.
