Андижон шаҳар ҳокими қамоққа олинди
У эски ишида давлат бюджетидан 48 млрд сўмни талон-торож қилганликда айбланмоқда.
6 июнь куни Андижон шаҳар собиқ ҳокими Баҳром Ҳайдаров давлат маблағларини талон-торож қилганликда гумонланиб, процессуал тартибда ушланди.
Бош прокуратура томонидан олиб борилаётган тергов ишида 37 нафар шахс айбланиб, уларнинг 32 нафари ҳибсга олинган. Ҳозирча етказилган зарарнинг атиги 23 фоизи қоплангани айтилмоқда.
Эслатиб ўтамиз, Андижон шаҳар халқ таълими бўлими мансабдор шахслари 2018 йил ноябрь ойидан 2020 йил ноябрь ойига қадар бир гуруҳ шахслар билан олдиндан ўзаро жиноий тил бириктиргани, УзАсбо дастурий мажмуасига уланган буюртмачиларнинг ойлик иш ҳақлари ҳамда бошқа тўловлари бўйича сўровномаларини сохталаштириб, тўловга тақдим қилиши натижасида 48,5 млрд сўм бюджет маблағларини ўзлаштириш йўли билан талон-торож қилгани ҳақида хабар қилинганди.
