"Лайк" йиғиш қимматга тушди
Бегона уйга бостириб кирган бир гуруҳ ёшлар ҳақида қўшимча маълумот берилди.
Жорий йилнинг 2 ноябрь куни 1999 йилда туғилган Ислом М., 2000 йилда туғилган Акмал Р. ва 2005 йилда туғилган Фотих К. олдиндан таниши бўлган 1993 йилда туғилган Даниел А. билан ўзаро оғзаки жанжаллашиб қолишган. Сўнг шу куни тахминан соат 21:00 ларда улар Шайхонтоҳур туманидаги Даниел М. истиқомат қилаётган хонадонга турар жой дахлсизлгини бузиб кириб, уни уриб тан жароҳати етказган.
Мазкур жараённи 2005 йилда туғилган Фотих К. видео тасвирга олган, сўнг ижтимоий тармоқларда лайк йиғиш мақсадида тарқатиб юборган.
Юқорида қайд этилган ҳолат юзасидан Шайхонтоҳур тумани ИИО ФМБ Тергов бўлими томонидан Ўзбекистон Республикаси Жиноят кодексининг 105-моддаси (“Қасддан баданга ўртача оғир шикаст етказиш”) ва 142-моддаси (“Фуқароларнинг турар жойи дахлсизлигини бузиш”) билан жиноят иши қўзғатилган.
Гумонланувчилар процессуал тартибда ушланган. Тергов ҳаракатлари давом этмоқда.
Аввалроқ, ИИВ матбуот хизмати раҳбари илгари ички ишлар органларига мазкур ҳолат юзасидан шикоят, ариза ёки хабар келиб тушмагани, вазият текширилиб, иштирокчиларнинг ҳаракатлари ҳуқуқий баҳоланганидан сўнг қўшимча ахборот берилишини маълум қилганди.
