0
Ширинликлар ортига яширилган 114 миллионлик пиротехника
Қаршида ноқонуний равишда олиб кетилаётган пақилдоқлар ушлаб қолинди.
Қарши шаҳар ҳудудида хизмат олиб бораётган ЙПХ ва бошқа соҳавий хизмат ходимлари ҳамкорлигидаги текширувлар давомида ҳайдовчи У.А. бошқарувидаги "Исузи" русумли юк автомобили тўхтатилиб, холис ва гувоҳлар иштирокида текширилган.
Юкхонада ширинликлар ортига хуфёна тарзда яширилган, қиймати 114 миллион 240 минг сўмлик жами 403 200 дона пиротехника воситаларини қонунга зид равишда олиб кетаётганлик ҳолати аниқланди.
Ҳозирда мазкур пиротехника воситалари ашёвий далил сифатида олиниб, ҳолат юзасидан суриштирув ҳаракатлари давом эттирилмоқда.
