ППХ ходимининг вояга етмаган қизга тегажоғлик қилгани рад этилди
Ҳолатда вояга етмаган қизнинг иштироки бўлганлиги сабабли, тўлиқ тафсилотлар ҳозирча очиқланмади.
Ижтимоий тармоқларда ИИО ходимининг вояга етмаган қизга нисбатан шилқимлик қилганлиги ҳақида хабарлар тарқалганди. ИИВ Жамоат хавфсизлиги департаменти ҳолат юзасидан ўрганишлар олиб борилаётгани ҳақида маълум қилган.
Тошкент вилояти ИИББ ахборот хизмати ушбу ҳолат бўйича янги тафсилотларни очиқлади. Хабарга кўра, суриштирувлар давомида тарқатилаётган хабарда келтирилган иддаолар мутлақо ҳақиқатга тўғри келмаслиги маълум бўлган.
Қайд этилишича, 2026 йилнинг 27 апрель куни, соат тунги 00:40 да Оҳангарон шаҳар ИИБ ППХ ходимига, таниши 22 ёшли А.К. (аёл) қўнғироқ қилиб, ундан маслаҳат олиш заруратини айтиб чақирган.
ППХ ходими етиб борган вақтида, 22 ёшли А.К.(аёл) билан, унинг 14 ёшли қиз таниши бирга чиқиб, ходимнинг машинасига ўтирган.
“Шу вақтда 18 ёшли А.Х. (қизи синглиси эканини айтган шахс), 4 нафар танишлари билан келиб, ходимни ҳақоратлаб, жанжал кўтарган. У аслида 14 ёшли қизнинг ҳеч қандай қариндоши ҳисобланмайди”, дейилади хабарда.
Ахборот хизмати ҳолатда вояга етмаган қизнинг иштироки бўлганлиги сабабли, тўлиқ тафсилотлар ҳозирча очиқланмаганини билдириб, иш якунига кўра ёлғон ахборот тарқатган шахсларга нисбатан маъмурий, оғир оқибатларга олиб келган тақдирда жиноий жавобгарлик чоралари кўрилади.
