Зеленский Путин билан G7да учрашув таклиф қилди, Россия жавоб бермади
Украина томони музокара ташаббусини бир нечта каналлар орқали етказган.
Украина президенти Владимир Зеленский Россия президенти Владимир Путин билан Францияда бўлиб ўтадиган G7 саммити доирасида учрашиш таклифини илгари сурганини маълум қилди. Бу ҳақда у Киев-Печерск Лаврасига ташрифи чоғида журналистларга берган интервьюсида айтиб ўтди, дея хабар бермоқда Reuters.
Зеленскийнинг сўзларига кўра, ушбу ташаббус G7 форматида, АҚШ ва Европа етакчилари иштирокида ўтказилиши мумкин бўлган музокаралар учун муҳим имконият бўлиши мумкин эди. Бироқ Россия томони бу таклифга жавоб бермаган.
РБС-Украина манбаларига кўра, учрашув ташаббуси бир нечта дипломатик каналлар, жумладан воситачилар ва разведка линиялари орқали ҳам етказилган, аммо Москва томонидан аниқ жавоб берилмаган.
G7 саммити 15–17 июнь кунлари Франциянинг Эвиан-ле-Бен шаҳрида бўлиб ўтиши режалаштирилган.
Аввалроқ Зеленский Путин билан бевосита музокара ўтказишга тайёр эканини билдирган, Россия президенти эса ҳозирги шароитда бундай учрашувни мақсадга мувофиқ эмас деб атаган эди.
