Тошкентдаги ЙТҲда ҳалок бўлган ЙПХ ходими сўнгги манзилга кузатилди
Тошкент шаҳрида Чевролет Оних ва ЙПХ хизмат мототцикллари иштирокида ЙТҲда содир бўлган эди.
2026 йил 17 июль куни Тошкент шаҳрида хизмат вазифасини бажариш чоғида содир бўлган йўл-транспорт ҳодисаси оқибатида ҳалок бўлган Тошкент шаҳар ИИББ ЙҲХБ ЙПХ бригадаси Махсус батальони мото гуруҳи командири, лейтенант Озодбек Мадиёржон ўғли Қўлдошалиев билан видолашув маросими бўлиб ўтди.
Марҳумнинг жаноза маросими Фарғона вилоятининг Қўқон шаҳрида ўтказилди. Уни сўнгги манзилга кузатишда ички ишлар органлари раҳбарияти, хизматдошлари, яқинлари ҳамда кўплаб фуқаролар иштирок этди.
Эслатиб ўтамиз, 2026 йил 16 июль куни Тошкент шаҳрида Чевролет Оних автомобили ва ЙПХ хизмат мототцикллари иштирокида оғир йўл-транспорт ҳодисаси содир бўлган эди. Ҳодиса оқибатида хизмат вазифасини бажараётган лейтенант Озодбек Қўлдошалиев оғир тан жароҳатлари сабаб воқеа жойида вафот этган.
Марҳум 29 ёшда эди.
